Қазақстан халқының тілдері күні қарсаңында Қарағанды облысының санитариялық-эпидемиологиялық бақылау департаментінің ұжымы «Ұлттық диктант» жобасы аясында ұйымдастырылған жаппай диктант жазу іс-шарасына белсенді қатысты.
Аталған бастаманың негізгі мақсаты — мемлекеттік тілдің мәртебесін арттыру, оның қолданыс аясын кеңейту, сауатты жазу мәдениетін қалыптастыру және тілге деген құрметті арттыру.
«Ұлттық диктант» — тек сауаттылықты сынайтын шара ғана емес, сонымен қатар мемлекеттік тілдің маңызын дәріптеп, оны құрметтеуге үндейтін тағылымды бастама.
Қарағанды облысының санитариялық-эпидемиологиялық бақылау департаментінің ұжымы мемлекеттік тілдің дамуына бағытталған осындай игі бастамаларды қолдай отырып, қазақ тілінің мәртебесін арттыруға өз үлесін қоса бермек.
