2026 жылғы 3 қыркүйекте «Атамекен» өнер ордасында «Сот ісін жүргізуде мемлекеттік тілді қолдану аясын кеңейтудегі мемлекеттік органдардың рөлі» тақырыбында ғылыми-практикалық конференция өтті.
Іс-шараға Қазақстан Республикасы Жоғарғы Сотының судьясы Әмір Досжан Сарманқұлұлы, облыс әкімі, Батыс Қазақстан облысының құқық қорғау және мемлекеттік органдарының бірінші басшылары, сот жүйесінің, әділет органдарының, адвокаттар қауымдастығының, сондай-ақ білім беру мекемелерінің өкілдері қатысты.
Конференция жұмысына Батыс Қазақстан облысы бойынша Экономикалық тергеп-тексеру департаментінің басшысы Әбенов А.Ғ. және оның орынбасары Кенжебаев Ж.С. қатысты.
Департамент басшысының орынбасары баяндама жасап, мемлекеттік тілдің маңызды рөліне, соның ішінде сотқа дейінгі тергеп-тексеруді жүргізу барысында мемлекеттік тілді қолданудың маңыздылығына тоқталды.
Іс-шара аясында пікір және практикалық тәжірибе алмасу өтіп, мемлекеттік тілді қолдану аясын одан әрі кеңейту, процестік құжаттарды дайындау сапасын арттыру және мемлекеттік органдар арасындағы өзара іс-қимылды нығайту мәселелері талқыланды.
Конференция қорытындысы бойынша Департамент басшысының орынбасары белсенді қатысқаны және мемлекеттік тілді дамыту мен насихаттауға қосқан үлесі үшін Алғыс хатпен марапатталды.
