Ақтау қаласында жол қозғалысының қауіпсіздігін арттыру және көлік кептелісін азайту мақсатында жол инфрақұрылымын жетілдіру жұмыстары жүйелі түрде жалғасуда.
Атап айтқанда, 28 және 19-шағынаудандарда, сондай-ақ 30-шағынаудан мен «Толқын» шағын ауданының қиылысында жолды кеңейту және жол таңбаларын жаңарту жұмыстары жүргізілді.
– Бұл жұмыстар Ақтау қаласының полиция басқармасымен бірлесіп жүргізілген кешенді зерделеу жұмыстарының нәтижесінде жүзеге асырылуда, – деді Ақтау қалалық жолаушылар көлігі және автомобиль жолдары бөлімінің бас маманы Ақжол Еміл.
Жүргізіліп жатқан жұмыстардың негізгі мақсаты – жол қозғалысын тиімді ұйымдастыру, көлік құралдарының қауіпсіз әрі кедергісіз қозғалысын қамтамасыз ету, сондай-ақ қаладағы жол қауіпсіздігі деңгейін арттыру.
Ақтау қаласы әкімдігінің баспасөз қызметі
Ақтауда орталық жолда қосымша жолақ ұйымдастырылды
