Бүгін, бейсенбі күні, елімізде әр бейсенбі сайын ұйымдастырылатын «Таза Қазақстан» экологиялық акциясы аясында Байсерке ауылындағы Керей хан көшесінде орналасқан балалар алаңқайында тазалық және абаттандыру жұмыстары жүргізілді.
Іс-шара барысында балалар алаңы мен оған іргелес аумақ қоқыстан тазартылып, аумақтың тазалығы мен көркейтілуіне көңіл бөлінді.
Таза әрі көрікті балалар алаңқайы — ауыл тұрғындары үшін қолайлы орта қалыптастырудың маңызды бөлігі. Қоршаған ортаны таза ұстау және қоғамдық орындарға ұқыпты қарау — баршамызға ортақ міндет.
Таза ауыл — әрқайсымыздың ортақ ісіміз!
