Құрметті оқушылар, ата-аналар және ұстаздар!
Сіздерді Білім күнімен және жаңа оқу жылының басталуымен шын жүректен құттықтаймын!
1 қыркүйек — әр адам үшін маңызды күн. Бірінші сынып оқушылары үшін жаңа кезең басталса, түлектер үшін — жауапты оқу жылы, ал ұстаздар үшін — үлкен, әрі маңызды еңбектің жаңа жылы.
Оқушыларға қызықты жаңалықтар, сапалы білім және жаңа жетістіктер тілеймін! Ұстаздарға — шабыт пен білім алуға ынталы шәкірттер, ата-аналарға — балаларының жетістіктеріне қуаныш, зор денсаулық пен отбасылық амандық тілеймін!
Мерекелеріңіз құтты болсын! Жаңа оқу жылы сәтті өтсін!
Құрметпен Сандықтау ауданының әкімі Серік Құдабай.
Сандықтау ауданы әкімінің Білім күнімен құттықтауы
